Не распавялі

Не распавёў немец сваім сынам
Як з брудам на далоні
Маліўся ўсім-усім багам,
Каб выжыць у акопах ля Смаргоні.

Не распавёў і рускі сваім сынам
Пра цяжкасці салдацкай долі.
Як маладосць аддаў баям
За вышыні ля Смаргоні.

Не распавёў і беларус сваім сынам
Як босы, галодны, хворы
Капаў магілы землякам
З роднай вёскі ля Смаргоні.

Не даведаліся іх сыны
Не з-за бацькоўскай волі,
А таму, што засталіся назаўжды
Усе трое ля Смаргоні.

Кастрычнік 2025